ધોલેરામાં ગ્રીન કવર વધારવા 1.5 કરોડથી વધુ મેન્ગ્રોવ્ઝનું જંગી વાવેતર

ધોલેરામાં ઝડપથી વધી રહેલા ઔદ્યોગિક અને શહેરી વિકાસ વચ્ચે ગ્રીન કવર અને દરિયાકાંઠાના પર્યાવરણનું સંતુલન જાળવવા મોટા પાયે વૃક્ષારોપણ હાથ ધરાયું છે. વન વિભાગના જણાવ્યા મુજબ ધોલેરા અને ભાલના કઠિન ભૌગોલિક વિસ્તારમાં 50,000થી વધુ વૃક્ષો વાવવામાં આવ્યા છે, જ્યારે ધોલેરાના દરિયાકાંઠે 1.5 કરોડથી વધુ ચેર એટલે કે મેન્ગ્રોવ્ઝનું વાવેતર કરાયું છે.

4,000 હેક્ટરથી વધુ વિસ્તાર વાવેતર હેઠળ

છેલ્લા 10 વર્ષમાં ધોલેરા વિસ્તારમાં 4,000 હેક્ટરથી વધુ જમીનને વાવેતર હેઠળ આવરી લેવામાં આવી છે. આ કામગીરીનો હેતુ માત્ર હરિયાળી વધારવાનો નહીં, પરંતુ વિસ્તારના પર્યાવરણીય સંતુલનને પણ મજબૂત કરવાનો છે.

છેલ્લા એક વર્ષમાં 1.60 લાખથી વધુ રોપા

માત્ર છેલ્લા એક વર્ષમાં ધોલેરા વિસ્તારમાં 1.60 લાખથી વધુ રોપા વાવવામાં આવ્યા છે. ઔદ્યોગિક વિકાસ સાથે ગ્રીન કવર વધારવાના પ્રયાસો ધોલેરાના લાંબા ગાળાના શહેરી વિકાસ માટે મહત્વપૂર્ણ બની રહ્યા છે.

દરિયાકાંઠા માટે મેન્ગ્રોવ્ઝ મહત્વપૂર્ણ

ધોલેરાના દરિયાકાંઠે મોટા પાયે મેન્ગ્રોવ્ઝ વાવવામાં આવ્યા છે. દરિયાકાંઠાના પર્યાવરણને જાળવવા અને ગ્રીન બેલ્ટ મજબૂત કરવા માટે આ વાવેતર મહત્વનું માનવામાં આવે છે.